هـوّه كده

هوه كده

حطت صباعها على جرحى بالقوى وْ داست
أنا قلت آه
ارحمنى يا ألله
جرحى بيوجعنى
قالت لى وإيه يعنى
كل الجروح صعبة مؤلمة بتوجع
و دا جرح الهوى ، ناره ملهلبة بتلسع
فيها القلوب تنسى من الدنيا بلاويها
يسكن حناياها الهوى و الهنا و الشقا فيها
من غير عذاب، السعادة ما لها طعم
الاتنين بيجروا فى العروق سوا فى الدم
إمتى يطيب يا قمر جرحى
و ييجى فى الهوى فرحى
الدنيا فى قلبى اتلخبطت ،
مبقتش عارف مساى من صبحى
فى المسا : فكر و أرق و أنين
و فى الصباح القلب دايب فى شوق و حنين
و اللى بين المسا و ضلامه و بين نور الصباح
السعادة و البهجة و الفرح .. شئ مستحيل
شئ غير مباح .
4 أكتوبر 2009