استغلال

..يا مصرى ليه كل دا
:تطحن ف اخوك و تقوللى دا

عرض و طلب

دى الرحمة حلوة كويسة
مطلوبة صبحا أو مسا
ربك على نفسه كتب

أسعار مهولة فى السما
:و السوق و طافشة , إنما

من غير سبب

ليه فى القلوب زاد الجشع
زال الرضا و حل الطمع
قلبى اكتأب

السلعة بتكفيّ و زيادة

و السعر زايد ليه يا سادة ؟

دا السوق خـرب

الفاكهة زايدة مرطرطة
و القوطة حمرا مزقططة
آخر عجب

لكن كما قلنا الجشع
و نفوس مريضة و ما نفع

ذوق أو أدب

إخوانك الفقرا اللى همّـه
ليهم حقوق واضحة مهمة

ليه تغتصب ؟

إن لم تراعى الغلبانين
اسمك من سجل المسلمين
راح ينشطب

اللى بيرضى بالقليل
و الأمانة له دليل
دا اللى كسب

و ف يوم تقابل وجه ربك
راح يسألك : وفيت بواجبك ؟
فين الهرب ؟