إيمان راجل غلبان
واحد جعان بيحلم بسوق العيش
الطير بيستر جتته بتوب تقيل من ريش
و صاحبنا خرقة بتستر حتة منه
و الباقى .. متسترهوش
مريت عليه : إيش يلزمك يا عمنا ؟
قال منك انت ؟ لأ يا صاحبى .. مفيش
دى اللقمة لو من بشر .. طبعا ما تشبعنيش
و الخير يا بشر لو من بشر.. ما يلزمنيش
دى النعمة من ربنا ، لو من سواه ، ما تغنـينيـش
لا باطلب م البشر حسنة و لا شفقة و لا بقشيش
دى الدنيا عند اللى خلقها ، جناح بعوضة ما تساويش
راضى بقليلى ، دا القليل بالبركة ، نعمة .. ما تقولليش !!
سالت دموع العين على الخدين ، غلبان و راضى ، ما بيشتكيش
و اللى بيلبس فى الحرير و الدهب طماع و رزقه : ما يكـفّـِِّيش
يجرى و يجرى ، ماهوش دريان ، بيهبش فى دُنيته تهبيش
و نهاية حضرته إيه ؟ الكفن جيوبه فين هيّـه ؟ طبعا .. مالوش
17 مايو 2009
No comments:
Post a Comment