الـ " نحـن "
عايزك تكونى معايا
أهمس فى ودنك حكاية
تحت النجوم نقعد و نسهر
و تقربى أكتر و أكتر
و ح تلزقى قلبك فى قلبى
و تكونى جنبى
وردة بيضا
قلبى ح يدخل جوه قلبك
يدخل البهجة فى حياتك
يحلف بدقاته و حبك
إن القلوب عاشقة ابتسامتك
و ندوب سوا ف واحد
إنتى ف أنا ، و أنا فى إنتى
و القمر شايف و شاهد
بس إنتى خايفة
من حياتك جوه قلبى
من حياتى جوه قلبك
ليه يا ستى
ما انتى عارفة
إن كلك حتة حتة
جوه ذاتى حتة حتة
عمرنا ما كنا جوز
دا احنا واحد
عقل واحد
قلب واحد
جسم واحد
الذكرفيه أنا و الأنثى إنتى
ماشى يا ستى ؟
أكتوبر 2009
No comments:
Post a Comment