إحنا الفراعنة

إحنا الفراعنة اللى أقسمـ نا يمين

ما نفضل م النهارده و للأبد نايمين

نتجمع يسار أو وسط أو حتى كـ نا يمين

على حبك يا مصر

أضحى فى سبيل حبك بنفسى و مالى و بـ ناسى

لا يسهو عنك عجوز أو صبى و لا الشبابـ ناسى

و اشيلك فى قلبى و نن العين و فوق راسى

و تمشى ع الدوام فى طريق النصر

أحلام

أحلام

الحلو الجميل جانى

بيزورنى فى منامى

و لوحدنا فى البيت

و سقانى بشفايفه

خمرة و عسل أبيض

فى لحظة ما تتعوض

هنيته و اتهنيت

يا ريتنى أنا ما صحيت

نوفمبر 2009

آآآه يانى

آآآه يانى

صعبان عليك حالى ؟

و لا يصعب عليك غالى !!!

أهى دنيا بنعيشها

بين ضيقها و بين عيشها

أيام و بتلطـّـش

و ساعات بتحلى لى

أحيانا تعاندنى

و تحطم فى آمالى

و ساعات تروق ليا

و يروق لها بالى

و كتير تكشر لى

و تلخبط لى أحوالى

يا سلام إذا ابتسمت

الورد يتبسم

و الجو يتنسم

و الطير على غصنه

بيغنى و يترنم

و الشمس باصّـة لنا

و بنورها تحضنا

و الهم يتركنا

سعدا فى أحوالنا

و البدر و الفضة

يبدرها حوالينا

و الحب فى قلوبنا

و البهجة فى ايدينا

و آدى احنا يا قلبى

قاعدين بنستنى

القلب يتهنا

حبة رضا منها

و نقول كتير ليها

فين الرضا فينه ؟

و البسمة فين هيّـا ؟

23 مارس 2009

البدر

البــــــــدر

الشعر

الشعر ليل و حاطط على القِـمة

طاير بالهوا شابك عليه فـُلة

و ساعات تجمّعه و تلمه فى لمة

جدايل حرير َملـْمَسه و الفتلة

بصيت عليه ، طار منى العقل بالذمة

القورة

القـُورة بنـّورة منورة و بتلمع

يا سلام على النور اللى طالع منها بيشعشع

عايزنى أقول الحقيقة ؟

طيب يا حبيبى بص لها و بعدين اسمع

دا انا فؤادى نظرها ، طار منى بالذمة

العينين

أما العينين ، فبلاش عنها نتكلم

أبص لهم ينجرح قلبى و يتألم

أتوه فى دنيا غير الدنيا ، و أسألهم

منين البريق اللى بينور فى وسط الضلمة ؟

و اقول سبحانه اللى خلق و أحسن خلقه

أصلى نظرتهم ، طار منى الفؤاد بالذمة

الأنف

الأنف مسحوبة رومانى

تسحر قلوب ملايين

ما فيه مثيلها ف زمانى

و لحد يوم الدين

نظرت لها كام نظره

ملأ ت فؤادى حسرة

الخدود

تفاحة أمريكانى

أو بالقليل لبنانى

حطوها ع الخدين

و يقول العذول آه يانى

جايبة الحَمَار دا منين

تقول لهم ربانى

عينى عليهم زاغت

و المهجة عليهم راحت

عشـْقِت جمال الخدود

على قمر موجود

فى قلبى مش فى الأرض

و اما رأيت الجمال

ألمسهم مجرد لمس

أخاف يجينى مس

الشفايف

شايفها بكرزة متغطية

حمرا بلون الورد

مليانة ، مكتظة فرعونية

مقرّبش منهم حد

حلاوة و كمان عسلية

ح يجننونى بجد

غمضت عينى لإنى

خايف لرد الفعل

لما اشتهيت لمسهم

و انا شهيد حبهم

طار الفؤاد بالذمة

اللسان

شوفوا اللسان

سكر زيادة

و كلام لذيذ

حلو البيان

و عسل شهى

سايل رضابه

طعمه جميل

واقف ببابه

أدفع حياتى

واخد لى قطة

و اشفط لى شفطة

أو حتى نقطة

و الا بلاش

أحسن يزيد

فى العند أكتر

و القى فؤادى

يشتاق له أكتر

الغصن

تنزل تلاقى البان

غصنه لعيونك بان

رائع و لا المانيكان

و عليه تلال و سهول

مخروطة بخرط جميل

صدر و عليه صاروخين

واقفين يخايلوا العين

روسهم عليها بارود

وردى بدواير بنى

سرقوا فؤادى منى

و صبح لهيبى شديد

يهدا ، يزيدوا وقود

و الخصر يتثنى

نسمة من الجنة

و يميل مع الأنسام

يرقص على الأنغام

القلب فى عشقه

دايب بيتغنى

لو قلت يا مختار

انحت لنا حورية

ينظر لها محتار

ما هى هيه دى هيه

--------------------

أنا و البدر

كان ماله أنا و مالى

إيه بسى ما جرا لى

ما كنت فى حالى

لعب الهوى بيا

قوليلى أعمل إيه ؟

ليه أصلا قابلتينى

عايزة تطلـّعى عينى؟

ماشى فداكى عيون

و القلب اللى صبح مجنون

لكنى باتمنى

إنك تضمينى

إما إلى صدرك

أو قائمة قتلاكى

و ان مرت الأيام

بالصبر ح استناكى

و ان ُمت يا صابحة

إقرى عليا الفاتحة

16 نوفمبر 2009

الغـُلب
(صور مصرية مقلوبة )

عجبى على ابن مصر الصابر على الأوجاع ..
راضى وحامد و شاكر، سوا كان شبع أو جاع ..
ماشى فى درا حيطة يقول الستر يا ربى ..

يحكمه فرعون ، يعبده ، أوأى عـرّة من الصياع .(1

مغلوب على أمره غالبا فى كافة الأوضاع ..
يسجد لجلاده و لا يهمه لقى بـُغيته أو ضاع ..
حتى الشهامة اللى كانت خصلته وْ زاده و زُوًًًًًًّاده ..
ضاعت بسوط القهر.. ماعادشى كريم شهم وبطل و شجاع ..
---------------------

البنت يخطفها الذئاب فى عز الضهر عينى عينك ..
تصرخ ، تولول ، و تستنتجد : يا كريم العنصرين فينك ..
الكل باصص يبحلق يقولك يا عم و انا مالى ..
دافع يا مصرى عن مروءتك ، وعن عرضك وعن دينك .
---------------------

كنا زمان ، لما بنركب الأوتوبيس ..
يقف الشباب الجميل و يقعّـدوا العواجيز ..
فين النهارده الأدب و الذوق ؟ ضاعوا مع الأيام ..

كانوا شباب مصر العظيمة و القلوب متفجرة أحاسيس
---------------------

فلاحنا كان يصحى من النجمة ، يجرى على عمله ..
و الصانع المصرى اللى كانت صنعته منتهى أمله ..
الدش خيب شعبنا و الليل قهاوى الكسلانين ..
ممكن يا مصرى نعود نحقق من جديد للوطن أمله ؟
---------------------

كنا زمان نوطى وننـْحنى نـْبوس إيد الكبير ..
هل كنت تقعد قبل منـّه ؟ أبدا ، مستحيل دا يصير ..
و لا إيد على الطبق تتمد من قبل ما يقول لنا بسملله ..
و العيلة مجموع شملها على خير كتير و وفير .
---------------------

عبد النبى و وهيبة خلفوا محمود ..
عيـّـل جميل الطلعة ، زيه ملوهش وجود ..
مرض الولد بعنيه ، إيه العمل يا وهيبة ..
الواد دا يا عبده و راس أبوك محسود .

جريت على الشيخ الولى الصالح عماد الدين ..
شخبط لها شخابيط ، قال إيه حجاب يشفيه م الحسد والعين ..
جاهل و هبلة جمعهم ضلام العقل و الغفلة ..
عكم التمن هبرة فلوس ، و رزق الهبل ع المجانين .

فكرتنى حكاية الولد ده بطه حسين ..
و الجهل اللى ضيع عينيه – مش بس واحدة – إنما الاتنين ..
أو يحيى بن حقى ..... وقنديل ام هاشم ..
دا الجهل عيبة و معيرة فينا يا مصريين .
-------------------

تقدر تقوللى النهارده شربت كام سييجاره ؟
اللى واخدها كيف أو منظرة و شطارة ..
بعدين ح تندم و تصرخ ، تولول : يانا يا صدرى ..
و لا طب راح ينفعك أو صيدلة ، يا خسارتك ، يا ألف خسارة .

البنت ماشية وْ حبيبها متأنجـﭽين حلوين ..
النيل بيضحك لهم و الفل و الياسمين ..
لمحهم أخوها ، قامت خناقة بين الاتنين ..
ناس كتير اتجمعت وقفت بتتفرج حيرانة : تشجع مين ؟

بقينا فى أخلاقنا يا مصرى من غيرخطوط حمرا ..
فين الصواب ، فين الخطأ ؟ لا بنعرف و لا بندرى ..
حبة يقولوا دا حق للعشاق ، و طظ فى التقاليد ..
و الباقى قالوا دى فـُجْر و عربدة ، ملعون أبو الفـَـجًًًًًًًرة .
-------------------

شحات و داير فى الشوارع : حسنة يا أسيادنا ..
دا الرزق مقدور من المولى ، لا شطارة و لا بْإيدنا ..
مات الفقير، راحت الحكومة مفتشة داره ..
قعدوا ساعات يعدّو المال ، ضحك علينا و على ولادنا .
-------------------

أجمل ما فيك إيمان و تقوى و توكل ..
و صبر ع المقسوم و على العبادة مقبل ..
و حب الرسول و أهله و عترته و أصحابه ..
لكن كتير عندك تواكل و محبط كتير و مكسل .
-------------------

ماشى ف طريقى فى الزحام ، أخدت لى كتفين ..
(2) تولونى ..
وقعت مش عارف هـّوه طريقى منين ..
و لا حد قدم اعتذار و لا حد قال معلهش ..
هيه المروءة سابت بلدنا يا مصرى و راحت فين ؟
------------------

دى كلها صور سودا مقلوبة من عصر الزحام ..
بس الأمل موجود و قايم فى قادم الأيام ..
يللا إيدينا سوا نرفع مصرنا فى السما عالية ..
بالعلم و الإيمان فى بحبحة ح نعيش سوا فى سلام .

_______________________
(1) توالت على مصر عدة قرون حكمها خلالها أصيع ناس فى العالم : المماليك

(2) تولونى = دوخونى
20 مايو 2008

الغلب

الغـُلب
(صور مصرية مقلوبة )

.. عجبى على ابن مصر الصابر على الأوجاع

.. راضى وحامد و شاكر، سوا كان شبع أو جاع

.. ماشى فى درا حيطة يقول الستر يا ربى

(1) يحكمه فرعون ، يعبده ، أوأى عـرّة من الصياع

.. مغلوب على أمره غالبا فى كافة الأوضاع
.. يسجد لجلاده و لا يهمه لقى بـُغيته أو ضاع

.. حتى الشهامة اللى كانت خصلته وْ زاده و زُوًًًًًًّاده
.. ضاعت بسوط القهر.. ماعادشى كريم شهم وبطل و شجاع

---------------------

.. البنت يخطفها الذئاب فى عز الضهر عينى عينك

..تصرخ ، تولول ، و تستنتجد : يا كريم العنصرين فينك

..الكل باصص يبحلق يقولك يا عم و انا مالى
..دافع يا مصرى عن مروءتك ، وعن عرضك وعن دينك

---------------------

..كنا زمان ، لما بنركب الأوتوبيس ..

.. يقف الشباب الجميل و يقعّـدوا العواجيز

..فين النهارده الأدب و الذوق ؟ ضاعوا مع الأيام
..كانوا شباب مصر العظيمة و القلوب متفجرة أحاسيس
---------------------
.. فلاحنا كان يصحى من النجمة ، يجرى على عمله

.. و الصانع المصرى اللى كانت صنعته منتهى أمله

.. الدش خيب شعبنا و الليل قهاوى الكسلانين

ممكن يا مصرى نعود نحقق من جديد للوطن أمله ؟
---------------------

.. كنا زمان نوطى وننـْحنى نـْبوس إيد الكبير
..هل كنت تقعد قبل منـّه ؟ أبدا ، مستحيل دا يصير

.. و لا إيد على الطبق تتمد من قبل ما يقول لنا بسملله

.. و العيلة مجموع شملها على خير كتير و وفير
---------------------

.. عبد النبى و وهيبة خلفوا محمود
.. عيـّـل جميل الطلعة ، زيه ملوهش وجود

.. مرض الولد بعنيه ، إيه العمل يا وهيبة

.. الواد دا يا عبده و راس أبوك محسود

.. جريت على الشيخ الولى الصالح عماد الدين

.. شخبط لها شخابيط ، قال إيه حجاب يشفيه م الحسد والعين

.. جاهل و هبلة جمعهم ضلام العقل و الغفلة..

. عكم التمن هبرة فلوس ، و رزق الهبل ع المجانين
.. فكرتنى حكاية الولد ده بطه حسين
.. و الجهل اللى ضيع عينيه – مش بس واحدة – إنما الاتنين

أو يحيى بن حقى ..... وقنديل ام هاشم
.. دا الجهل عيبة و معيرة فينا يا مصريين
-------------------

تقدر تقوللى النهارده شربت كام سييجاره ؟
.. اللى واخدها كيف أو منظرة و شطارة

بعدين ح تندم و تصرخ ، تولول : يانا يا صدرى

و لا طب راح ينفعك أو صيدلة ، يا خسارتك ، يا ألف خسارة
.. البنت ماشية وْ حبيبها متأنجـﭽين حلوين

.. النيل بيضحك لهم و الفل و الياسمين
.. لمحهم أخوها ، قامت خناقة بين الاتنين
ناس كتير اتجمعت وقفت بتتفرج حيرانة : تشجع مين ؟

..بقينا فى أخلاقنا يا مصرى من غيرخطوط حمرا

فين الصواب ، فين الخطأ ؟ لا بنعرف و لا بندرى
.. حبة يقولوا دا حق للعشاق ، و طظ فى التقاليد
.. و الباقى قالوا دى فـُجْر و عربدة ، ملعون أبو الفـَـجًًًًًًًرة

-------------------

.. شحات و داير فى الشوارع : حسنة يا أسيادنا

دا الرزق مقدور من المولى ، لا شطارة و لا بْإيدنا
.. مات الفقير، راحت الحكومة مفتشة داره
.. قعدوا ساعات يعدّو المال ، ضحك علينا و على ولادنا

-------------------

.. أجمل ما فيك إيمان و تقوى و توكل
.. و صبر ع المقسوم و على العبادة مقبل
.. و حب الرسول و أهله و عترته و أصحابه
.. لكن كتير عندك تواكل و محبط كتير و مكسل

-------------------

.. ماشى ف طريقى فى الزحام ، أخدت لى كتفين
(2) تولونى
.. وقعت مش عارف هـّوه طريقى منين
.. و لا حد قدم اعتذار و لا حد قال معلهش
هيه المروءة سابت بلدنا يا مصرى و راحت فين ؟
------------------

.. دى كلها صور سودا مقلوبة من عصر الزحام

بس الأمل موجود و قايم فى قادم الأيام
.. يللا إيدينا سوا نرفع مصرنا فى السما عالية
.. بالعلم و الإيمان فى بحبحة ح نعيش سوا فى سلام

_______________________
( توالت على مصر عدة قرون حكمها خلالها أصيع ناس فى العالم : المماليك (1

(2) تولولنى = دوخونى - جعلونى أشعر بدوخة

العشرون من مايو 2008

إحنا الحرامية

إحنا الحرامية
بمناسبة سرقة كابل من السد العالى

..إحنا الحرامية يا سيدنا
.. اللى سرقنا زمان الونش

..و لا حدش هوّب ناحيتنا
..كبر الموضوع ، لكن و بسرعة فش
..قلنا نجدد عَمْـلتنا

..فسرقنا من السد الكابل
..عملة ما يعملهاشى لوبين
..ولا أى حرامى من قبل
..و ف عز الشمس ف أسوان
..و الناس آدى رايح و ده جاااى
..و الكابل دا بلوى .. سبعة أطنان
..هيلا بيلا شيلناه ، ما تقولش إزاى
..الناس وقفت حيرانة .. مذهولة
..يضربوا بالكف على الكف
..أطوال ، أوزان ضخمة مهولة
..يقدرش يشيلها و لا ألف
..فهلوة و فكاكة و ذكاوة و خفة فى اليد
..يقدرش يفكر يعملها أيتها حد
..حتى و لا يقرب من جنب السد
..فـُكهية بنسرق للشهرة
..و آهو نضحك و نفرفش .. سيبك م الجد
..حرامية : آه فعلا ، لكن فى خفة دم
..مبدؤنا : اسرق ، بعزق ملعون أبو خاش الهم
..بس انتوا ادعوا لنا قادر- سبحانه – و مجيب
..يبعد عنا عيون الشر
..(سوا كانوا عدا أو كانوا ( حبيب
..و سيبونا : الرزق يحب الخفية
..دا احنا ما حطينا إيدينا ف سيالة حد
.و كفاية سيبنا لك يا مصر السد

أبريل 24 - 2008