زنوبة

زنوبة

..رأيت يا صاحبى ف سكتى زنوبة
..لطافة و حلوة الحلوين ، قمورة و حبوبة
..تشعلل فى البدن ولعة
.و لو حتى في شتا طوبة

.. ملاية لف لميعة ، سودا و ملفوفة
..على مانيكان تجيب للعقل ميت طوفة
..إذا بصيت : يا ويلك ، يا سواد ليلك
.ح توصل لابو زعبل أو الخانكة ، و السبب : شوفة

..البنت جايبة الحلاوة دى كلها منين
..و خفة الدم و الروح ، طبعا دولا مصريين
..خمرية زى العسل ، لأ ، زنوبة دى أحلى
.دى وردة بلدى منورة ، زهرة ، لأ فلة على ياسمين

..حب الولد يعاكس ، كلام متزوق كتير يطلع له كام ويبة
..من الشباب المتلمعة الخرعة ، عيال فاضية و حبّـيبة
..بصت له بصّـة ، يا لهوى ، الجبل لو بصت عليه يتهز
." روح يا ولد و اتلهى على امك ، كتك ألف مليون خيبة "

.." يعنى مفيش فايدة ؟ "
!!قلعت له من رجلها الخمرية فردة سلاح نووى
:الولد رأى السلاح زى الصاروخ ، ديله ف سنانه و قال
.." يا فكيك .. إجرى يا جدع إجرى "
.خاف على روحه من الأسلحة : الظاهر لعينه و السرى


.. يا أيها الغالى ، لو حبيت تكمل نصك و تتأهل
..بنت مصر الجميلة تراعى العشرة و تصونك ما تتبهدل
..إن غبت عنها تحفظ شرفها ، و لو تنظر لها تسرك
.و تراعى ربها ف مالك و ولدك ، و تفضل رمانة المنزل

مصطفى سلام